Vindaugsrestaurering

Haust 2024
Stad: Røst
Foto: Rebekka Kolvik &
Susann Klubben

Instruktørar:
Siv Kristi Holmin
Karina Børven

I september vart det arrangert kurs i vindaugsrestaurering på Røst, med fokus på restaurering av originale vindauge og produksjon av nye kopiar. Kurset fann stad i det historiske Toralfhuset og ga oss ei grundig innføring i tradisjonelle handverksteknikkar.

Vi lærte blant anna å lage nye tresamanføyningar for reparasjon av råteskader, samt teknikkar som plugging, glaskutting, kitting og maling. Gjennom heile kurset var det lagt vekt på bruk av høg materialkvalitet og tradisjonelle metodar for å sikre varige og autentiske resultat.

Kurset ga eit solid grunnlag i vindaugsrestaurering med eit spesielt fokus på å bevare bygningstradisjonar og å bruke handverksteknikkar som er viktige for å halde oppe kulturarven.